Hrafnar stóð sig vel á húsi

21.06.2011 21:53

Hrafnar í hólfið í vikunni

Hrafnar er á leið í hólfið sitt í vikunni. Það eru tvö laus pláss en hann verður á Hömrum í Grímsnesi fram eftir sumri í löngu gangmáli. Sónarskoðað verður úr hólfinu amk tvisvar í sumar. Áhugasamir geta haft samband við Hannes í síma 864-1315 eða á netfangið hrafnar@hrafnar.is ef þeir vilja koma hryssu undir folann.

Skrifað af Hannesi

18.06.2011 19:58

Hryssur í hólfið 19. og 20. júní

Hrafnar fer í hólfið á Hömrum í Grímsnesi 22. júní. Við biðjum þá sem voru búnir að panta undir hann að koma með hryssurnar 19. eða 20. júní í hólfið. Vinsamlegast hafið samband við Auði á Hömrum í síma 867-1915.

Hrafnar verður í löngu gangmáli í sumar.

Skrifað af Hannesi

27.05.2011 18:23

Rauðblesótt Hrafnarsdóttir

Þessi sæta rauðblesótta hryssa kom í heiminn í fyrrakvöld. Undan Hrafnari og 1. verðlauna hryssunni Eldingu frá Strönd. Elding er stórættuð hryssa, undan Töfra frá Kjartansstöðum og hæfileikasprengjunni Fjöður frá Sperðli (Hæ: 8,75).

Haukur og Ragnhildur í Austurási (www.austuras.is) rækta undan Eldingu ásamt Gunnari á Strönd.

Skrifað af Hrafnar

15.05.2011 12:06

Von á föngulegum hópi undan Hrafnari í sumar

Þessi kappi komin í heiminn í gær 14. maí, undan Hrafnari og Hróðnýju frá Ragnheiðarstöðum.

Það er óneitanlega spennandi sumar framundan hjá okkur hrossaræktendum. Kynbótasýningar eru hafnar, Landsmót er á næsta leiti og HM síðar í sumar. Við förum að huga að því hvaða stóðhesta á að nota á hryssurnar, hvort veðja eigi kannski á einhvern ósýndan, einhverja vonarstjörnu. Tilhlökkunin yfir því að fá folöldin er þó hvað sterkust hjá mörgum. Undan Hrafnari er von á föngulegum hópi folalda í sumar því undir hann í fyrra fóru miklar dívur, þ.á.m:

Selma frá Sauðárkróki 1. verðl           8,10
Hnáta frá Hábæ 1. verðl                    8,18
Snælda frá Bjarnanesi 1. verðl           8,24
Filma frá Árbæ 1. verðl                       8,22
Birta frá Skarði 1. verðl                      8,06
Stilla frá Ingólfshvoli 1.verðl               8,01
Keila frá Bjarnastöðum 1. verðl           8,34
Elding frá Strönd 1. verðl                    8,19
Aða frá Brautarholti 1. verðl               8,16
Sunna-Rós frá Úlfljótsvatni 1. verðl 8,33
Flaga frá Hafsteinsstöðum 1. verðl   8,00

13.05.2011 18:24

Fyrsta folaldið undan Hrafnari komið í heiminn

Fyrsta afkvæmið undan Hrafnari er komið í heiminn. En það voru vinir okkar á Eylandi, Rut og Davíð, sem héldu einni bestu hryssu sinni undir Hrafnar á vordögum í fyrra. Hnáta frá Hábæ heitir hún, undan Flögra frá Hábæ, Sveins-Hervarssyni.

Uppskeran varð gullfallegt brúnt hestfolald sem hefur fengið nafnið Hrafn frá Eylandi. Sjá nánar á www.eyland.is

09.05.2011 14:37

Húsmálið hafið í Austurási

Þá er húsmálið byrjað hjá Hrafnari í Austurási við Selfoss. Tvær hryssur hafa farið undir hann nú síðustu daga, þar á meðal Hviða frá Ingólfshvoli, hryssa sem við á Hamarsey erum að rækta undan ásamt vini okkar Karli Áka og Ludwig feðgunum í Austurríki.

Skrifað af Hannesi

17.04.2011 08:58

Hrafnar fullbókaður í sumar

Hrafnari er vel tekið af hrossaræktendum. Hann er fullbókaður í sumar, líkt og í fyrrasumar og kominn biðlisti fyrir húsnotkun í Austurási og gangmálið á Hömrum í sumar. Hérna sést hann ásamt 9,5 töltaranum Sunnu-Rós frá Úlfljótsvatni sem var hjá honum sl. sumar.

Þess má geta að folaldið sem sést hér með Sunnu-Rós heitir Hansa frá Laugavöllum og er undan stóra bróður Hrafnars, Hákoni.

27.02.2011 20:01

Yfir 95% fyljun 2010

Hrafnar fékk til sín 6 hryssur á húsmáli, 13 hryssur á fyrra gangmáli og 7 hryssur á seinna gangmáli í fyrra. Þá var hann 2ja vetra. Hann fyljaði allar nema eina og er því með fyljunarprósentu upp á rúmlega 96%.

Hann er líkur pabba sínum hvað þetta varðar. Er mjög rólegur í hólfinu, heldur hryssuhópnum saman en aldrei með nein læti. Hann virðist mjög naskur á hvenær hryssurnar eru með egglos, sást mjög sjaldan fara á hryssu í fyrrasumar.

Skrifað af Hannesi

22.12.2010 15:04

Hrafnar 2011

Mikið er spurt hvar Hrafnar verður næsta vor og sumar. Ákveðið er að hann fari á húsnotkun í Austurás til Röggu og Hauks í byrjun maí og verði fram til 15. júní 2011. Eftir það fer hann í hólfið sitt að Hömrum í Grímsnesi.

Skrifað af Hannesi

15.09.2010 08:20

Myndir frá sumrinu 2010

Inná myndasíðuna eru komnar myndir sem teknar voru í hólfinu að Hömrum í sumar. Það var Gígja Einarsdóttir hestaljósmyndari, sem átti hryssu í hólfinu hjá Hrafnari, sem tók þessar fallegu myndir. Við þökkum Gígju kærlega fyrir þær.

Myndasíðan

Skrifað af Hannesi

04.09.2010 20:47

Góð byrjun hjá Hrafnari

Það lítur út fyrir að fyljun hjá Hrafnari verið svo gott sem 100% í sumar. Yfir 20 hryssur hafa verið staðfestar með fyli við kappanum og enn á eftir að sónarskoða nokkrar.

Skrifað af Hannesi

24.08.2010 09:54

Sónarskoðað frá Hrafnari í dag

Sónarskoðað verður frá Hrafnari í dag að Hömrum í Grímsnesi. Að því loknu verður Hrafnar tekinn heim að Hamarsey. Hryssueigendur eru beðnir um að sækja sínar hryssur, en hringt verður í alla að lokinni sónarskoðun.

Skrifað af Hannesi

23.07.2010 10:08

Góð fyljun hjá Hrafnari

Hrafnar hefur staðið sig vel síðustu fimm vikurnar sem hann hefur verið í hryssum að Hömrum. Páll dýralæknir frá Stuðlum kom og sónarskoðaði 12 hryssur þann 20. júlí síðastliðinn. Hægt var að staðfesta fyl í 9 hryssum og voru þær teknar frá, einnig var mögulegt að fyl væri í þeirri tíundu. Hrafnar verður áfram í hryssum að Hömrum fram eftir hausti og standa þá vonir til að hann verði búinn að fylja samtals yfir 20 hryssur í sumar að húsmálinu meðtöldu.

Miklar drottningar hafa komist í kynni við kappann í sumar og árgangurinn sem kemur í brautina sumarið 2015 verður án efa spennandi. Af hryssunum sem hafa verið hjá honum í sumar má nefna:

Selma frá Sauðárkróki 1. verðl
Hnáta frá Hábæ 1. verðl
Snælda frá Bjarnanesi 1. verðl
Filma frá Árbæ 1. verðl
Birta frá Skarði 1. verðl
Stilla frá Ingólfshvoli 1.verðl
Keila frá Bjarnastöðum 1. verðl
Elding frá Strönd 1. verðl
Bríet frá Skeiðháholti 1. verðl
Aða frá Brautarholti 1. verðl
Sunna-Rós frá Úlfljótsvatni 1. verðl
Flaga frá Hafsteinsstöðum 1. verðl

Skrifað af Hannesi

12.07.2010 22:41

100% fyljun á húsmáli

Hrafnar stóð sig vel á húsmálinu hjá okkur í Hafnarfirði og fyljaði allar hryssurnar sem hann hafði á húsi. Þær voru ekki margar, fjórar talsins, þar af tvær 1. verðlauna klárhryssur...en feikinóg fyrir frumraun 2ja vetra fola. Þær hafa nú allar verið sónarskoðaðar fylfullar eftir kappann.

Stefnt er að því að sónarskoða á Hömrum þann 20. júlí þar sem Hrafnar er í hólfi með 16 hryssum.

Skrifað af Hannesi